السلام عليكم ورحمه الله وبركاته
يا جماعه انا شعري بيقع كتيير وشكلي كده هقرع قريب:36_1_2[1]:
عايز اسال بس انا سمعت ان في اسبراي او دواء بيثبته او بيقلل سقوطه علي الاقل وعايز حد يفيدني في الموضوع ده :3_3_102[1]:
هل من مجيب :36_1_1[1]:
عرض للطباعة
السلام عليكم ورحمه الله وبركاته
يا جماعه انا شعري بيقع كتيير وشكلي كده هقرع قريب:36_1_2[1]:
عايز اسال بس انا سمعت ان في اسبراي او دواء بيثبته او بيقلل سقوطه علي الاقل وعايز حد يفيدني في الموضوع ده :3_3_102[1]:
هل من مجيب :36_1_1[1]:
متاااااااااااااااااابع
ههههههههه انا لقيت حد رد اخيرا اتاريك متابع معايا
يامسهل
فييه كبسول اسمه pantogar مشهور جدا العلبه تمنها حوالي 40 جنيه مش فاكر
وده رائع جدا للعنايه بالشعر ومنع سقوطه
Pantogar - Product profile
وممكن يبقي السبب وراثي وسعتها اعتقد ملهاش حل
انا كمان عندى نفس المشكلة شعرى خف جدا
بس انا مش وراثى انا بسبب الكريم والجيل
وللاسف مش عارف استغنى عنه ادمنته
يا ريت لو فى كريم مثلا بيغذى الشعر وفى نفس الوقت يقوم بمهمة الكريم او الجيل
بتلميع وتثبيت الشعر يبقى افضل من الادوية
طيب سؤال ..هل فى حد عندك فى العيلة اب خال او عم اصلع .؟؟؟
لو كان كده يبقى الموضوع مالهوش حل ...؟؟؟
انا والدي شعرهخفيف بس مش اصلع وبقيت اعمامي وخلاني وولادهم محدش اصلع بس انا كنت مقضيها جيل الله يحرقه وبطلته بس شعري كان خف جدا
طيب وهل الpantogar ده موجود في مصر ولا ايه ومحتاج دكتور ولا اي حد ياخدوه عادي
البانتوجار اى حد ياخده عادى تمنه 36 جنيه ...كبسولة 3 مرات فى اليوم .......بس متهيألى تشوف دكتور افضل
انا سمعت ان الادوية المصرية مبتجبش نتيجة وخسارة فيها الفلوس
تشوف دكتور افضل
Welcome to the club :)
مش عاوز أجيبلك أحباط.....بس بنسبة 90% ملهاش غير زرع شعر ( طبيعى مش صناعى عشان محدش يقولى حرام.....ده غير أنى كده كده مش هعملها عشان غالية بهبل )
بس هى تقريباً نفس الحالة
مفيش حد أصلع فى العيلة......فى ناس شعرها خفيف بس مش لدرجة الصلع................بس هو الجيل و كريمات الشعر الله يحرقهم بجاز.
و الله كنت بستخدم نوع من أحسن الأنواع فى العالم ساعتها.....كريم كمان مش جيل.....و كنت بجيبه من برة كل لما أسافر.
عموماً هو لو الموضوع مهم قوى بالنسبالك يبقى قدامك حل من 2
1- تروح لدكتور ( و مش هيعملك حاجة غالباً.........يعنى ممكن يكتبلك على بانتوجار و معاه واحد تانى كده و خلاص )
2- فى أنواع أسبراى بتتجاب من برة وتترش على الشعر مرة فى اليوم مع التدليك المستمر لمدة 10 دقايق..........و فى خلال 3 شهور بتلاقى تحسن واضح و من 3 الى 6 شهور ممكن تلاقى الشعر مش بيقع و فى بعض الأنواع بتطلع الشعر تانى.
بس لازم تفضل تستعمله مدى الحياة........لو وقفت أستخدامه الشعر اللى طلع مع الشعر اللى كان مفروض يقع.......الأتنين بالسلامة.
فيه امبولات اسمها Foltene كويسة جدا
انا بقي شعري خلاااااااااااص فاضل حوالي عشرين اوتلاتين شعرة وتبقي مفيشششششششش
لا اله الا الله
ربنا يستر
انا برده نفس الكلام .. والدى برده شعره خفيف بس انا الموضوع جاه معايا بدرى قوى يمكن وانا عندى 22 سنة يعنى من 8 سنوات
وحاولت بكل الطرق ومفيش نتيجة
الحل الأكيد ... هو زراعة الشعر الطبيعى ومش عارف ليه الموضوع ده بقاله فتره معلق معايا وعايز اعمله
ياريت لو حد من أطباء المنتدى يعرف يقوللنا ايه اخبار موضوع زراعة الشعر ولو ممكن يرشح لنا مركز او مستشفى يتعمل فيه الموضوع ده ..
وممكن لو حنبقى كذا واحد ح يعمل الموضوع ده ممكن ناخد خصم نايل موتورز:E_braces[1]:
طيب وايه ظروف الزراعه مكلفه كام يعني
وياتري ياباشا ايه اسماء االاسبراي ده
الخلاصة في موضوع الشعر
أسف علي المقاطعة ولكن يبدو إن في شيء مشترك بين المداخلات في هذا الموضوع بين الأعضاء
:)
عاوز أقولكم نتيجة خلاصة تجارب واحد عنده خمسين سنة عايق قوي في موضوع شعره ده ، ده مش أنا ولكن ده واحد صاحبي كان قاعد معايا لمدة أربع سنوات وهو حافظ الأدوية لإنه موسوس قوي \
كان بيستعمل علي شعره
1- حاجة إسمها هير باك وهو ده في نوعين
واحد أحمر وواحد أخضر والفرق بينهم هي نسبة تركيز المينوكسوديل وهي المادة المسئولة عن تثبيت الشعر بس عاوز أأكد إنك لو بطلت إستعماله هتلاقي صحراء فوق في راسك
النتيجة بتظهر بعد ثلاثة أشهر بشكل كويس وطبعاً زي ما بعض الأعضاء الكرام قاالوا إنها نتيجة وراثة برضه
بالنسبة للبنتوجار كان بيستعملوا الراجل ده برضه بس مش عارف إيه تأثيره علي باقي شعر الجسم :)
نصيحة من الآخر إحتفظ بما تبقي من شعرك إلي أن يذهب مع نفسه وفي هذه الأثناء أحسن معاملته بجيل كويس أو كريم مغذي
في أنواع لا خلاف عليها
مثل بالمرز بأنواعه المختلفه
وفي كريم سعودي جديد ما بيزقش ولا بيسيح وهو كازانوفا الأبيض
وكذلك لمن يهوي الجيل عليه بأي شيء إنجليزي أو أمريكي من إينليفن
أخيراً
حكمة الزمان بتقول
الراجل ما بيعيبوش شعره :
متابع نظرا لوقوع شعرى تدريجيا
بعد ما كان بيهفهف وانا ماشى
لكن الحمد لله على كل شىء
فيه شامبو اسمه كوربال بحوالى 28 جنيه
بيقلل فقط سقوط الشعر وبيغزى الشعر لكنه لا يمنع
(الراجل مش بس بشعره الراجل برعايته لبيته واسرته)
و لو كان الشعر عزيز ...... ماكانش طلع في المعيز .....
استاذ احمد كمال ههههههههههههههه بجد مقوله جمده الاخيره دي
شكرا للنصائح الكريمه بس انا فجأه كده لقيت شعري خف فوووووووي
وانا بقيت بشيله بالمكنه علي 2 مثلا وجايبه لقدام بس حاسس ان فروه راسي بقت باينه وكل ده فجأه
محمد بك.....كيف حالك...واحشنى من يوم مقابلة الكنج :)
الحل ده فكرت فيه من سنتين مثلاً......كل لما أتصل بمستشفى من أعلانات الوسيط يقولولى بس حضرتك تعالى و هنشوف.......حسيت أنى بكلم ميكانيكى مش فاهم.....كبرت دماغى
بس أعرف 2 معايا فى الشغل عملوها برة مصر ( تقريباً فى رومانيا أو اليونان ).....أتكلفت مبلغ وقدره..........5 ألاف يورو.:36_1_40[1]:
انا كمان بعانى من المشكله الهباب دى...بحط طبعا مينوكسديل.ودى المادة الفعاله..بس مش عارف النتيجه مش فوريه فللأسف الواحد بيكسل يحطه...بس هو الحمد لله بيطير اليومين دول أسرع من سحبة أجدعها عربيه..عليه العوض
فيه سبراي اسمه selvel واحد صحبي جربه وبيقولي كويس هو يقوي الشعر وبيقلل تساقطه ويتقله علي حسب كلامه بس النتيجه تبدأ تظهر في خلال شهر ونص شهرن حد يعرف الاسبراي د ؟
انا كمان عندى نفس المشكلة من سن 21 الى الان 29 سنه وجربت الهير باك وللاسف عايز استعمال بشكل دورى من غير كسل
هو كل ده يا جماعه من الجيل و الكريم ولا ايه؟؟؟؟؟؟؟؟؟؟؟؟؟
اصل لو كده الواحد يبطلهم ويشوفلوا اى صرفه تانيه
والله تقريبا المشكله دى مشكلة بضاعه مضروبه فى السوق..مهو الجل أو الكريم لو نضيف مكنش ده حصل..و طبعا أكيد العامل الوراثى.ولا هو ممكن حد مفيش فى عيلتهم حد أصلع و شعره يقع؟؟؟؟
مش عارف النقطه دى..بس انا كنت بحط جل ..بس بطلته ..وبحط كريم..بردو مفيش فرق..
شكلى ححط جاز..
فى نقطه تانيه..الحاله النفسيه.أول حاجه بتبان على الواحد لو حالته النفسيه وحشه هى سقوط الشعر..يا ريت لو حد يقولى ان كان كلامى صح ولا لأ..انا مش دكتور بس والدى دكتور أمراض جلديه
الله يخليك يا ابو حميد ... ان شاء الله ح نكررها تانى فى شهر يناير2010
من اسبوع واحد بس كنت فى القاهرة وعملت زيارة لدكتور اسمه "احمد عادل نورالدين"
علشان موضوع زراعة الشعر الطبيعى وبعد ما كشفت وقالى ايه اللى حيتم بالضبط قاللى انها حتتكلف 14 الف جنيه.......
وده الموقع بتاعه www.Hb-clinic.com
بس على فكره هو مشهور وشاطر جدا فى موضوع زراعة الشعر واعرف كمان ان اعلب الشخصيات المشهورة سواء فنانين او شخصيات عامة زارعة عنده
وفيه كمان واحد اسمه د/ مجدى عبدالعزيز فى مدينة نصر .. جنب سيتى ستارز
روحتله وكشفت وكل حاجه بس هو فى الأساس دكتور امراض جلدية وبيقول ان ده افضل طبعا من دكتور التجميل
وقالى حتتكلف 6 الاف جنيه
وده الموقع بتاعه المركز التخصصي لزراعة الشعر
مش عارف انا متردد جدا بس عايز اعمل الموضوع ده
كده هتخليها تلعب فى دماغى :) طيب سؤال...........أيه الفرق بين اللى ب 6 و اللى ب 14 ألف ؟؟؟؟؟؟ كام عدد الشعرات اللى هتتزرع عند ده و عند ده ؟؟؟؟ كام جلسة و الجلسة كام ساعة و ينفع يخلص الجلسات كلها فى يوم واحد ولا لأ ؟
هما الأثنين جلسه واحده ...
وتقريبا من 3 الى 5 الاف شعره ... مش متذكر بالظبط
والفرق بين الثنين ان ابو 14 الف راجل مشهور جدا و professor وكمان العياده بتاعته حاجه جامده
والثانى ابو 6 الاف عياده عادية لسه دكتور فى الثلاثينات واساسا هو دكتور امراض جلدية ...
ايه رأيك ....
حرام فعلا 14000 عشان ازرع شعر طيب ما اشتري يونيت بقه
أنت ناوى تجرب ؟؟؟؟ أنا عموماً مش بثق فى الدكاترة المصريين فى الحاجات اللى زى دى ممكن تجرب و تقولى النتيجة....لو تمام هدخل بعدك على طول :) مستعد أتبرعلك بالهيبة لو عاوز :) يعنى أيه يونت بقى ؟ أمسك..............أعلان تجارى عن شامبو :)) يا باشا أنا أستعملت كلير و نوت كلير و كل اللى ممكن يجى فى بالك.........بيجيبو مفعول مع القشرة بس مش مع التساقط عموماً أستمر..........أنت لسه 28 سنة عاوز أشوفك و أنت عندك 32 سنة بقى :)
اصلا يعني ايه زرع شعر طبيعي؟
يعنى تجيب منطقه فيها شعر فى الجسم وتحطها مكان المنطفه الى مفيش فيها شعراو تجيب جزء من الراس الى فيه شعر وتشده على المنطقه الى مفيش فيها والعمليه دى بتتكلف على ما اسمع 10.000 جنيه للمره
الاول لازم تحدد او تتاكد انه معدل سقوط شعرك عالى ولو هتعد الشعر الى بيقع منك كل يوم و تستشير طبيب جلديه متخصص يكون افضل و ان شاء الله خير
أى خدمة يا نجم
تعتمد هذه الطريقة على مبدأ نقل قسم من الشعر من منطقة مانحة الى منطقة الصلع ،حيث تقوم ( بصيلات ) الجزء المانح بالنمو بشكل طبيعي عند زراعتها في منطقة الصلع . عند اجراء زراعة الشعر يتم اخذ شرائح صغيرة بصيلات من مؤخرة الرأس ، ( وهذه المنطقة ينمو الشعر بها دائماً وطول العمر ) . ويتم اصلاح هذه المنطقة المانحة بشكل دقيق ، بحيث تلتئم ولا تترك اثراً واضحاً في الجلد ، وتختفي مع نمو الشعر حولها . ثم يتم تقسيم الشرائح إلى بصيلات لزرعها في مناطق الصلع .كما تتسم هذه البصيلات الى عدة احجام مختلفة حسب حالة كل مريض واحتياجاته. وقد اشتهر في السنوات الاخيرة استعمال البصيلات الصغيرة ، وخاصة على خطوط الشعر الامامية ، حيث انه يؤدي الى ظهور الشعر بمظهر طبيعي ومن الصعب اكتشاف الفرق . اما الرقع الكبيرة فانها تحتوي على شعر اكثر وتستخدم في حالات معينة لاعطاء كثافة اكثر خلف خطوط الشعر . إن البصيلات التي تحتوي على شعرة أو اثنتين تسمى Micro Grafts والتي تحتوي ما بين ثلاث إلى خمس شعرات تسمى Mini Grafts أما الكبيرة فإنها تسمى Standard grafts يتم زرع هذه الانسجة داخل فتحات صغيرة او شقوق يتم عملها في منطقة الصلع، ثم تزرع بين الشعر الموجود لزيادة الكثافة . ويعتمد عدد الانسجة المطعمة المستخدمة على حالة كل مريض
اول مرة اخد بالي يا عبد المقصود انك حاطط صورة الافاتار بشعر هههههههههههه
ده تزوير في بروفايلات رسمية